LAVA Bar & Restaurant (已結業)

又再次黎到lava，今次比起上次，人少左，但味道依舊🤤。鮑魚，龍蝦，小麥捲狀意粉 $238龍蝦味濃，一食落口已經岀哂黎，意粉都好入味，唔會有奇怪麥味，超上癮。捲狀意粉好完美咁可以令你食既每一啖都伴隨著龍蝦汁，不得了！原條鹽焗鱸魚 $158本身成條上依件事已經有啲震撼，再加上鹽焗鱸魚好好食。基本上都無乜得挑剔，餐廳仲配上檸檬，加埋一齊食，酸酸地，又有魚肉既鮮味(˶‾᷄ ⁻̫ ‾᷅˵)，好完美。配蔬菜（小） $30本身都係諗住食下菜，健康啲，所以就加配左蔬菜。點知好好食，啲蔬菜好新鮮，又有幾款蔬菜，你完全唔覺得自己食緊菜，所有野都調味得好好。蜂密海綿蛋糕配雲呢拿雪糕 $72其實本人係想食churros，但可惜朋友嫌熱氣😭。但估唔到海綿蛋糕都幾好食，雖然係話蜂蜜海綿蛋糕，但係整體唔會太甜。如果雪糕有得揀味就真係太好啦。