Bondi (已結業)

返工壓力實在太大，於是約左朋友去觀塘食飯吹水。OPENRICE見到呢間主打澳菜嘅BONDI，就抱住試新野嘅心態去試下。地點係APM隔離，十分方便，在停場內，一眼就能望見大大的招牌，好快就揾到。可能得六點零鐘關係，餐廳無咩人。一入到去，就聽到BEATLES嘅”LET IT BE”，心情都好左一半。全程都播住啲懷舊抒情英文歌，十分適合傾偈。店內還有售賣特色咖啡壼～由於得兩個人，只叫左一個二人SET DINNER，食左兩個前菜，一個炸雞沙律，一個天婦羅魚柳。炸雞有啲乾，但啲菜同蜜糖芥末汁好夾。而個天婦羅魚柳就剛剛好，外脆內滑，有驚喜。南瓜湯仲配有自家製麵包，都夠CREAMY，略嫌多左DD油。個人好鍾意個廚師精選牛扒，好入味，好JUICY。最大驚喜係個雜莓奶凍，個奶凍好滑，而啲雜莓醬竟然係鹹鹹地!同出面一般SELL甜味好唔同。真係估唔到原來雜莓同鹽係咁夾!正!HAZAL NUT LATTE，味道剛好，唔會出現太甜或太苦的情況。如果行開APM，又諗唔食咩，不妨一試。