影片
更多
2022-10-07
124 瀏覽
大閘蟹當造季節又到啦，大閘蟹放題就啱晒好鍾意食大閘蟹嘅我！放題時間兩小時，平日$498/位，五、六、日及公眾假期都只係 $528，除咗任叫大閘蟹，仲有多款小菜、主食、甜品、啤酒、汽水，抵食。最大特色係有【清蒸】、【油鹽焗】、【花雕蒸】三款口味嘅大閘蟹可以揀，無咁單調。落完order等蒸蟹嘅時間，店員先送上每位一客嘅【和味鮑魚伴秋葵】、【花膠嚮螺雞湯】。鮑魚用和風磯煮，鮑魚爽彈，醬油亦好入味，再加清爽秋葵，作為開胃菜一流；燉湯足料有花膠，我鍾意飲湯，啱晒~小菜方面，【京式片皮鴨】當然係回本之選，鴨肉肥瘦適中，不過我哋無食太多，留力食蟹。另外仲有【臘味糯米飯】，不過秋風未起，等到下次天氣凍啲再去食先叫。大閘蟹到啦，我哋三款都叫晒嚟試。食大閘蟹最緊要係蟹膏啦，隻隻都算多膏，而且多數係軟膏添，食落更加滋味，蟹肉亦都鮮甜。口味方面，我原本最期待【花雕蒸】，可惜呢次花雕嘅味道比較淡；好在【油鹽焗】有驚喜，焗得幾入味惹味，食完仲吮埋手指添。最後就到甜品，但今日竟然無薑茶蕃薯供應，食大閘蟹飲薑茶驅寒是常識吧……連養顏棗皇糕都冇……最後叫咗個做香芒凍布甸，竟然有好多芒果肉👍🏻
放題時間兩小時，平日$498/位，五、六、日及公眾假期都只係 $528，除咗任叫大閘蟹，仲有多款小菜、主食、甜品、啤酒、汽水，抵食。
最大特色係有【清蒸】、【油鹽焗】、【花雕蒸】三款口味嘅大閘蟹可以揀，無咁單調。
落完order等蒸蟹嘅時間，店員先送上每位一客嘅【和味鮑魚伴秋葵】、【花膠嚮螺雞湯】。鮑魚用和風磯煮，鮑魚爽彈，醬油亦好入味，再加清爽秋葵，作為開胃菜一流；燉湯足料有花膠，我鍾意飲湯，啱晒~
小菜方面，【京式片皮鴨】當然係回本之選，鴨肉肥瘦適中，不過我哋無食太多，留力食蟹。
另外仲有【臘味糯米飯】，不過秋風未起，等到下次天氣凍啲再去食先叫。大閘蟹到啦，我哋三款都叫晒嚟試。食大閘蟹最緊要係蟹膏啦，隻隻都算多膏，而且多數係軟膏添，食落更加滋味，蟹肉亦都鮮甜。
口味方面，我原本最期待【花雕蒸】，可惜呢次花雕嘅味道比較淡；好在【油鹽焗】有驚喜，焗得幾入味惹味，食完仲吮埋手指添。
最後就到甜品，但今日竟然無薑茶蕃薯供應，食大閘蟹飲薑茶驅寒是常識吧……連養顏棗皇糕都冇……最後叫咗個做香芒凍布甸，竟然有好多芒果肉👍🏻
張貼
