青悅 (已結業)

犀利喇你..青悅。激到咁懶嘅我都要第一次寫食評鬧你。外賣total兩舊水但完全唔知食左乜。1.帶子、鮮蝦、椰絲、柚子沙律 - 帶子幾乎搵唔到，原來切碎左size細過一毫子，老到柴皮嘅蝦一隻，椰絲? 恕我食唔出... 普通外賣盒裝得半盒 咁樣賣$71。2.鮮蝦札肉炒越南粉絲 - 又係一隻老蝦..加兩片薄切切既札肉，even拼埋都唔夠一片正常既札肉size，椰菜有啲炒完仲生勾勾咁，賣$67。點解話叫你慳啲? 邊啲真實食評，邊啲流嘅，你估食客睇唔出? 自己餐廳出品咁差，就應該好好反省改善，走去扮食客留好評就會有好生意?! 不過見到你地咁嘅經營理念，我建議都真係執左佢好過喇，無謂咁辛苦啦，俾粒正常帶子個客都好似會搞到你破產咁。