Panash (已結業)

一碗魚蛋粉當然食唔飽我, 落船後唯一想做的, 就係搵地方食甜品填0下肚 見呢度有價錢相宜的 hot chocolate cake 食, 又入0黎叫一客 ($38) 試試.Menu 上寫的係「濃香熱朱古力蛋糕配雪糕」(Hot chocolate cake with ice cream), 自然以為係心太軟, 但見佢 2 分鐘後就 serve, 先發覺 lai 0野 -- 原來係 literally 一件烘熱了的普通實心朱古力蛋糕 + 一球0云呢0拿雪糕0係面 @_@" 蛋糕好熱, 朱古力味可以接受, 不過唔香, 而且太乾了, 質地似 muffin 多 d, 加上朱古力醬俾得極少, 愈食愈無心機. 好彩有球雪糕濕潤0下, 雖然球0野本身都無乜味道!環境 ok, 雖然假日人頭湧湧, 但起碼唔嘈, 亦坐得舒服; 店員態度就幾散漫, service 一般.連加一約 $42, 雖然唔算好差, 但用微波爐 / 焗爐叮熱一個現成 feel 朱古力 muffin 再「畢」一球雪糕上去的所謂 hot chocolate cake, 係人都識整啦 -- 亦因為咁, 下次都係自己整好了!P.S. 俾喊