影片
更多
2016-01-26
948 瀏覽
真係超興奮，因為我地去朝聖...成枱都係LittleTwinStars，未食就已經覺得好興奮啦~其實上次我去尖沙咀食蛋黃哥時都好想帶小小豬一齊去，不過嗰次佢要返學就機會。今次剛好又放假，有得玩就當然一定要帶埋佢去啦~一入到餐廳就已經俾佢嗰一SET餐具吸引住，真係有一個衝動買晒返屋企呀~仲有嗰一張POSTER，真係好想即刻落去食晒啲LittleTwinStars落肚呀~由茶壺、杯到餐紙都印有KiKi同LaLa，真係勁可愛呀~其實店內都有其他點心嘅，不過我地當然係食KiKi同LaLa啦~先嚟Little Twin Stars奶皇流沙包~奶皇流沙包可以話係点心代表嘅招牌，掰開一半入面啲金黃色流沙真係流晒出嚟呀~Little Twin Stars 原粒帶子燒賣~小小豬一見到碟燒賣送到枱就已經好興奮~ 面頭嗰粒帶子都幾大粒呀，入口又真係幾爽口彈牙~Little Twin Stars 彩色蝦餃~雖然冇KiKi同LaLa頭像，但就以粉紅和粉藍為主嘅蝦餃，真係加多幾分可愛呀！Little Twin Stars 鮮蝦腸粉~依碟腸粉真係勁足料，有大蝦、帶子同埋蟹柳，仲耍係即叫即蒸，新鮮得嚟又熱辣辣，所以都
其實上次我去尖沙咀食蛋黃哥時都好想帶小小豬一齊去，不過嗰次佢要返學就機會。今次剛好又放假，有得玩就當然一定要帶埋佢去啦~
一入到餐廳就已經俾佢嗰一SET餐具吸引住，真係有一個衝動買晒返屋企呀~
仲有嗰一張POSTER，真係好想即刻落去食晒啲LittleTwinStars落肚呀~
由茶壺、杯到餐紙都印有KiKi同LaLa，真係勁可愛呀~
其實店內都有其他點心嘅，不過我地當然係食KiKi同LaLa啦~
先嚟Little Twin Stars奶皇流沙包~
奶皇流沙包可以話係点心代表嘅招牌，掰開一半入面啲金黃色流沙真係流晒出嚟呀~
Little Twin Stars 原粒帶子燒賣~
小小豬一見到碟燒賣送到枱就已經好興奮~
面頭嗰粒帶子都幾大粒呀，入口又真係幾爽口彈牙~
Little Twin Stars 彩色蝦餃~
雖然冇KiKi同LaLa頭像，但就以粉紅和粉藍為主嘅蝦餃，真係加多幾分可愛呀！Little Twin Stars 鮮蝦腸粉~
依碟腸粉真係勁足料，有大蝦、帶子同埋蟹柳，仲耍係即叫即蒸，新鮮得嚟又熱辣辣，所以都幾向大家推介呀！ Little Twin Stars燉奶椰皇~
暖笠笠嘅燉奶椰皇，滑嘟嘟嘅燉奶再加上勁香嘅椰皇味，真係超級好食。食完之後攪到我又想返屋企再整過，唔知有冇咁好味呢...哈哈哈！KiKi&LaLa牛奶杯子蛋糕~
依個蛋糕除左有得食之外，仲有得玩....因為可以自己灑啲星星糖係啲蛋糕上面，有得玩小小豬又點會放過呀~
灑完就食得啦~
最後嚟一個甜品 - KIKI奶凍~
食落味道就帶點薄荷味，唔止我鐘意食，小小豬都食得津津有味呀~
我想小小豬今日食LittleTwinStars一定好開心，因為佢返到屋企就不停同DADDY講佢今日食過乜...又話邊樣最好食...仲話佢好鐘意KiKi&LaLa，真係俾依隻小小豬笑C~LittleTwinStars限定至到3月尾，老公話見小小豬咁鐘意，搵日再帶佢去食哦！(有得再去朝聖我緊係舉腳支持啦...YEAH！)張貼
