Ember (已結業)

半年無見呢個朋友，再唔約佢又會俾佢話我...今次去左銅鑼灣一間酒吧傾計，之前都去過幾間M1旗下嘅酒吧，覺得食物水準唔錯。Cocktail成分有Rum酒、冰釀咖啡、黑糖漿等等，酒精濃度較高，入口比較甘苦。沙律主角係羽衣甘藍，配上西柚、魷魚等配料，酸酸甜甜好開胃，如果單獨食羽衣甘藍會有少少苦澀，未必人人接受到。鵝肝煎得微脆，食落軟滑甘香，驚喜之處絕對是無花果！果味香甜怡人，減輕了鵝肝嘅油膩感。意大利飯呈金黃色，上面放有三大粒北海道帶子。帶子厚肉，爽彈鮮甜，意大利加左鹹蛋黃更香，但整體頗為膩滯。現場有live band駐唱，氣氛好熱鬧。