No. 5 Lounge (已結業)

環境舒服😌 聽住live music 🎶 輕鬆chill 下Pineapple Juice 🍍 $38滑漏得黎夠濃，好驚某d餐廳會加水加太多溝稀左，依度唔會，好均真，而且酒吧來講，價錢公道，不同日子仲有不同優惠，例如cocktail類買一送一咁，我去個日係所有飲品九折。Fruit punch 🍹 $38 依杯係朋友order的，因爲我好少飲酸野，但依杯賣相十分吸引，我試左一啖，酸甜比例係唔錯的。女仔嘛，我主要著重相機的感覺📷。下午茶係Cafe☕️ 搖身一變晚上就係酒吧。都有小食，不過原來同隔離餐廳Moo Moo Burger 🍔 係認識的，仲可以過去點餐拎過來食，又幾方便。白菌之堡漢堡上下係烘底，香脆！ 配上黑松露蘑菇醬，勁香！終於食到一個漢堡係有與別不同的醬料。而且上下麵包有做烘底，咬落脆脆地。🤩鹹蛋黃雞堡鹹度真係唔講得笑😂 下層麵包🥯吸曬鹹蛋黃醬，不過雞係嫩滑多汁。整體依度係個輕鬆食飯飲野，聽live music既選擇。