影片
更多
2007-09-06
上星期六，bf係網上面搵到呢間既可以飲野又可以食到特別野既pub，於是乎就擇日不如撞日咁打去諗住book位，點知要起碼8:30pm後先有！唯有等候...去到，都仲要行住街等成半個鐘先有位，不過無計啦，想試新野嘛~ 唯有等~終於都有位啦！坐底即刻每人叫杯long island歎下先~ 味道就麻麻啦，始終local bar既cocktail水準真係麻麻~ 跟住就點菜，最最最最最想食既生蝦竟然賣哂！跟住諗住試下個椒鹽雞腳筋，點知又無！終於都點左個冰鎮四寶、手指春卷、醉貓炒蘿蔔糕同埋芝心炸蝦丸。冰鎮四寶$98：呢個係一份，佢\\\有二人份量同四人份量揀，呢個有一隻開邊既龍蝦仔、兩隻蝦、一隻鮑魚、芥蘭、蜆同埋螺。每樣都係熟既，再用冰鎮住佢\\\地，食時連埋附上既wasabi豉油食，味道都算ok，芥蘭咁冰鎮食都係第一次~ 起碼全部都唔醒~手指春卷$58：得5條，不過勁長，入面包住蝦膠，用黎送酒真係唔錯~ 不過成$12/條又似乎貴左少少醉貓炒蘿蔔糕$58：有椰菜同韮菜，都幾香口~ 蘿蔔糕個質地唔錯，食到好多蘿蔔絲~ 唯一美中不足係我食食下d菜忽然食到一大片未去籽既紅椒！辣到我飛起！我bf同我食過咁多
去到，都仲要行住街等成半個鐘先有位，不過無計啦，想試新野嘛~ 唯有等~
終於都有位啦！坐底即刻每人叫杯long island歎下先~ 味道就麻麻啦，始終local bar既cocktail水準真係麻麻~ 跟住就點菜，最最最最最想食既生蝦竟然賣哂！跟住諗住試下個椒鹽雞腳筋，點知又無！
終於都點左個冰鎮四寶、手指春卷、醉貓炒蘿蔔糕同埋芝心炸蝦丸。
冰鎮四寶$98：呢個係一份，佢\\\有二人份量同四人份量揀，呢個有一隻開邊既龍蝦仔、兩隻蝦、一隻鮑魚、芥蘭、蜆同埋螺。每樣都係熟既，再用冰鎮住佢\\\地，食時連埋附上既wasabi豉油食，味道都算ok，芥蘭咁冰鎮食都係第一次~ 起碼全部都唔醒~
手指春卷$58：得5條，不過勁長，入面包住蝦膠，用黎送酒真係唔錯~ 不過成$12/條又似乎貴左少少
醉貓炒蘿蔔糕$58：有椰菜同韮菜，都幾香口~ 蘿蔔糕個質地唔錯，食到好多蘿蔔絲~ 唯一美中不足係我食食下d菜忽然食到一大片未去籽既紅椒！辣到我飛起！我bf同我食過咁多辣野都未見過我辣到咁既地步！
芝心炸蝦丸$58：共有8粒，蝦丸本身都幾爽口彈牙，入面既芝士就溶哂，趁熱食真係幾正！
local bar食物做到呢個水平同心思，已經好滿意；佢\\\地既service都幾好，唯一美中不足既就係好嘈... 可能我地食既時候其他客人已經食飽，開始玩骰盅同猜牶，同埋開始勁食煙，所以我地食完都急急腳咁走人...
不過如果同一班朋友想食飯同飲野直落，又或者有朋友係煙民，需要食飯時搵到地方的話，呢度確係一個不錯既選擇~
張貼
