騷 (已結業)

聽個蒲開酒吧既朋友講最近林立嘅諾士佛臺開左間樓上酒吧，於是就約左成幾丁友上去試下。 一入到去就見到中間場地係一個夾ＢＡＮＧ既地方，聽店主講會邀請愛音樂既人上黎分享，店主唔會刻意限制樂隊類別，只想係酒吧度製造一個音樂小平台彼此欣賞。雖然場地唔大，但勝在夠ＦＥＥＬ！ 好喇，入黎酒吧坐底緊係要睇下有咩野食同野飲架啦！雖然小食同主食唔算話好多元化，但以主打野飲既酒吧黎講都算中規中矩。店主好熱情咁推薦我地試下本地啤酒。其中一款係蘋果啤：蘋果味唔太重，亦唔係好甜既一款啤酒，感覺係好清新。另一款係（唔記得咩啤）：較甜同酒味無咁重，適合鍾意口感較juicy既人飲。食物方面就叫左黑松露大啡菇意粉：大啡菇配埋黑松露好夾。