歐陸餐廳 (已結業)

難得星期日放假又無約人，訓到自然醒先去搵野食，一心嘆個「Sunday Brunch」，近近地就去左屋企附近既熊貓酒店。「Sunday Brunch」應該有個譜，唔會差得去邊，所以決定去試一試睇吓好唔好食。入到酒店大堂就問吓職員「Sunday Brunch」係幾樓？原來係縮左上去嘅歐陸餐廳，反正一個人食都唔係為左個景嫁啦，無所謂啦！一開始食個頭盤先，可以自己出去拿沙律，三文魚食左先打底。之後就係一隻「墨西哥式煎蛋」配豆蓉及栗米薄餅，其實食「Sunday Brunch」最重要係食隻蛋。我覺得「墨西哥式煎蛋」隻蛋味道濃郁十分香滑配埋豆蓉薄餅食味道剛剛好。食完隻「墨西哥式煎蛋」終於食主菜啦!而主菜係「牛肉眼扒配藍芝士洋蔥汁」，食牛扒當然係叫「5成熟」個牛扒d肉係好多汁，肉質幾軟熟，食落去口感相當唔錯，芝士洋蔥汁同牛扒配答得幾好。 最後，重有一杯野飲，咁我就叫左一杯「cappuccino」! 呢度人唔多，啱晒想靜靜地一個人既我！