上海婆婆336 (已結業)

今日係九龍灣見完客，心血來潮想食擔擔面，諗起附近有間上海婆婆，於是就同朋友去左上海婆婆。侍應對我地好nice, 笑容好好，翻左成日工終於可以笑下。由於我地好早去，人流未有好多所以order完好快就有野食啦。必食擔擔面唔係講笑，花生味好香，小小辣正。四季豆獲氣夠，我中意夠爽口，又唔油。紅油抄手，味道岩岩好，中意佢夠味又唔會太濃。朋友最愛既菜螃蟹，送飯一流。值得一提，服務員態度好好，面對住我呢位跳皮食客都好有耐性。另外亦有免費泊車，唔洗搵位，正！