樂意扒房 (已結業)

尋日睇完報紙介紹知道又有一間幾十年歷史扒房結業，所以同老公下晝走去一嘗聞名已久的靚靚牛扒。去到只係等左十分鐘，就已經有位。我地兩個一人一個西冷牛扒，跟餐那碗羅宋湯，簡直係食過咁多間扒房之中，拍得住五星級水準。不但有濃郁的牛尾味，還有少量黑椒碎，令到整碗湯有熱辣辣的感覺。主打西冷牛扒終於黎到，聞起上來有一陣炭燒的味道，由於選了黑椒汁，特別叫服務員另外上，一來可以原汁原味品嚐牛扒鮮香的味道，二來可以因應黑椒的辣道。由於我選了7成熟的關係，可保留住牛的新鮮肉汁。食完之後，店員為我地送上一塊芝士蛋糕，他說是為了多謝今個月前來品嚐的食客。總括而言，一間有特色有水準的扒房又要結業，希望日後可一代又可以保留樂意扒房文化再次重新營業。