B.Duck & Buffy 德記茶樓 (已結業)

之前喺網上見過人介紹呢間茶樓係以bduck為主，咁岩朋友好鐘意bduck,就一於同佢去試下！成間鋪既裝飾都係bduck,朋友見到勁開心，即刻影返張靚相打卡。睇睇餐牌好多野食都係有bduck 既公仔，飲茶當然唔少得蝦餃燒賣，蝦餃皮薄，入面仲有大大粒蝦，晶凝通透。熱辣辣既燒賣，上面有一整粒蝦，下面就係豬肉做餡料，成粒都好飽滿。再試試招牌既流沙奶黃包，一籠兩個，一搣開啲奶黃流晒出來，做到流沙效果，濃濃既咸蛋味，真的百試不厭。仲叫咗個芥末脆芋手撕雞，入面有青瓜絲蘿蔔絲雞絲同埋脆卜卜嘅芋頭絲，用左芥末醬拌勻，食落陣陣芥末味，成碟菜做得幾好好有口感，食唔停口。