影片
更多
2008-11-26
2 瀏覽
(有圖) 旺角"夏雪"日本食店! "Lovers' step 愛情三部曲"http://hk.myblog.yahoo.com/goodboy_philip/article?mid=31315等待重見天日既 "好唔好食" 已經去到廿幾篇喇...呢一篇已經係月頭既一餐 lu! 路經旺角, S 好眼利, 遠睇見到 "夏雪" 指一指, 就食呢間日本野啦! 後尾醒起好耐之前某 BLOG (唔記得左) 話夏雪幾好味, 咁就更加要食啦! 至於好唔好食? 又睇落去? 咦! 個 menu 好熟面口, 同 "東京@my Tokyo" 非常相似, 而且個裝修亦有異曲同工既感覺! 夏雪地址: 旺角山東街50號1及2樓吞拿魚卷: 欣賞佢顏色誘人, 不過 d 飯練得好實...ng...點 d 千島醬都易入口! 味道就非常普通!咖哩吞拿魚酥餅: 酥餅餅皮0岩0岩好唔燶, 咖哩味連酥皮亦算香, 內有鹽水浸既吞拿魚, 味道...還可!燒黑椒吞拿魚壽司: 似乎係燒定左...因為上枱時凍凍地...同火炙熱辣辣有好大分別!Lovers' step 愛情三部曲: 個名好 numb...好鐘意! 呢一碟分左三 part
http://hk.myblog.yahoo.com/goodboy_philip/article?mid=31315
等待重見天日既 "好唔好食" 已經去到廿幾篇喇...呢一篇已經係月頭既一餐 lu! 路經旺角, S 好眼利, 遠睇見到 "夏雪" 指一指, 就食呢間日本野啦! 後尾醒起好耐之前某 BLOG (唔記得左) 話夏雪幾好味, 咁就更加要食啦! 至於好唔好食? 又睇落去? 咦! 個 menu 好熟面口, 同 "東京@my Tokyo" 非常相似, 而且個裝修亦有異曲同工既感覺!
夏雪地址: 旺角山東街50號1及2樓
吞拿魚卷: 欣賞佢顏色誘人, 不過 d 飯練得好實...ng...點 d 千島醬都易入口! 味道就非常普通!
咖哩吞拿魚酥餅: 酥餅餅皮0岩0岩好唔燶, 咖哩味連酥皮亦算香, 內有鹽水浸既吞拿魚, 味道...還可!
燒黑椒吞拿魚壽司: 似乎係燒定左...因為上枱時凍凍地...同火炙熱辣辣有好大分別!
Lovers' step 愛情三部曲: 個名好 numb...好鐘意! 呢一碟分左三 part: 相遇, 熱戀, 結果由你決定!
First sight 相遇: 有甜蝦, 牛油果, 飛魚子, 連埋加州卷, 顏色配搭又真係幾得意! 視角上都幾吸引, 係有 d first sight 令人心跳既感覺既! haha...牛油果同甜蝦滑滑地, 清清淡淡都唔錯!
Passion Love 熱戀: 魚子, 青瓜, 芒果, 飛魚子, 蔥, 雜錦魚生粒! 咁多雜錦野又真係形容到熱戀中既心花怒放既心情! ha...件飯好鬼大件啊!
Your choice of the ending 結局由你決定: 有燒黑椒吞拿魚包住竹筍, 莫非結局一係糾纏不休? 一或剪不斷既感情...一或 hand in hand?
牛肉烏冬: S 話烏冬幾好味彈口, 牛肉生一點較好! haha...形容得唔錯! 我加多句啦, d 湯落油重手左少少, 如果個湯好味既, 一定會飲兩啖呢!
巨峰乳酸特飲/夏火: 兩杯味道黎講, 明顯夏火多變化好飲 d, 因為有西柚, 士多啤梨同菠蘿三個配搭!
夏雪係樓上鋪, 分兩層, 原來上層空曠一點, 坐得舒服 D!
環境: 3 (黑色為主, 水晶形狀吊鍊配大鏡, 燈光頗暗但可接受...)
衛生: 2 (都係有烏蠅仔...)
服務: 3 (冷氣涷風口位叫左較細 D, 真係有較少左 D D...)
設計: 3 (menu 同@東京, 甚至一壽司好相似, 唔通同一間設計公司? 或者同一個飲食集團?)
味道: 2.5 (味道唔太突出, 但不至於太差)
價錢: 2.5 (同系可以有更好選擇, 埋單二百六七度, 浪費了 S 的錢...no no no...)
最終評分: (2.5) 以質素估計, 應該同@東京同系同級數, 太相似了...
旺角,夏雪,@東京,日本,東京,壽司,好孩子
P.S. 食完夏雪, 就聽到 "雪 suet 雪"...想問大家睇戲有無遇過身邊有觀眾全程傾計同全程依泣...我就側身背向佢地...如果佢地發出太大聲響, 我有時就典一典起個人...wahaha...通常大家會點樣應付?
張貼
