牛極 (雅怡居)

營業中

休息中

牛極都唔係第一次食㗎喇，皆因係呢度食牛扒性價比真係好高，今次我點咗牛柳，佢係成個鐵板上嘅，你鍾意食幾成熟都得！先講頭盤同主食，都係自助形式你鍾意食幾多就食幾多，我好欣賞佢個牛肉湯，牛肉味好重，湯渣仲有好多蔬菜同牛肉，我自己飲咗兩碗！沙律都好唔錯，非常清新解膩！好啦，講吓個主菜牛柳，呢個部位係比較細嫩，我自己就鍾意食medium rare (大約三成熟左右），基本上一上枱就食得，食落去真係好滑，有牛肉味，呢個部位就算煮熟少少都唔會太老。仲有呢度嘅醬汁都係任你揀，我比較鍾意佢個燒汁，同牛扒非常之夾！