哈比斯燒肉串和咖哩 (鴻圖中心)

營業中

休息中

今日同朋友行過觀塘，咁啱俾我哋見到巧明街鴻圖道中心裏面原來開咗好多餐廳，裏邊其中一間係印度嘅菜式，裏面有好多卡巴買，自從中學之後好耐都冇食過卡巴，好懷念依種味道，於是同朋友買一個嚟試吓！一過到嚟，餐廳環境衛生好乾淨，而且座位都好闊落，加上呢度嘅服務員態度都好好，所以食得好安心同埋好放心😋🙏🏻我叫做一個夏威夷烤雞卡巴一嚟到嘅時候熱辣辣，超級開胃，而且店員仲好細心咁樣幫我地將佢切開一半，裏面嘅餡料好豐富，有生菜同埋好多好多嘅炸雞，超級邪惡啊🤩🥗估唔到原來一個都已經咁飽，食咗一個，裏邊有菜又有肉，好健康👍🏻而且一啲都唔會乾爭爭，因為裏面加咗沙律汁等等嘅醬料，所以食落去口感好豐富👅😋