新泰東南亞餐廳 (太子集團中心) (已結業)

係呢頭都生活左一段日子，最近同同事竟然仲發現到好野食！大門好多綠色植物，睇到好舒服。Lunch menu 算中位，$75要加一，另外特飲仲要加$9。一行8人，比左張大圓枱，而個座位都好舒適。海南雞飯($75)+龍眼冰($9)。等左十分鐘到就有得食，雞好滑，無骨，連雞皮都好爽口，配上果個辣汁真係好夾。個飯就係雞油飯，少少lim，好香口，第一次差不多食晒個飯。個湯就正正常常無特別，用黎比你濕下個口都ok. 龍眼冰好甜，中間加左次水，可以唔使特別加錢去試。