School Food (已結業)

約左朋友上個月18號去school food食lunch。12點幾去到都無乜人，唔洗等就有得入。Lunch 60幾蚊，除左main dish，仲包小食，野飲同甜品，感覺都幾抵。我叫左個卡邦尼年糕同雞翼做小食，仲有一杯柚子茶。柚子茶就不過不失啦！個年糕雖然幾細碟但因為個卡邦尼醬所以食完都幾濟，但又唔係特別好味，可能卡邦尼同年糕唔係咁夾。話就話一粒星辣，但一d都唔辣，反而個二粒星既雞翼就辣到爆！朋友都話好辣！好彩有杯柚子茶紓緩下。。。野食都無話特別好食，但佢地d服務仲奇怪。。。我同個朋友一路食一路傾偈，但佢地就不斷埋黎收碟，除左打斷我地講野，仲好似有少少趕我地走咁。。。明明張檯都唔多碟但就行左埋黎3,4次。。。感覺有d煩！另外因爲朋友要番去番工，所以我地食完就埋單，完全唔記得左個甜品，走左好耐先記得。。。而當時佢地都無提過我地未食甜品。。。😞總結就係食物唔特別好食，服務亦唔特別好，所以唔會再去。