山見 (創紀之城五期(apm))

營業中

休息中

如果想lunch 快食個hotpot 呢到都係一個唔錯嘅選擇。揀咗180分鐘放題，最鍾意就係每一個人有可以獨立煱底，一來比較衛生，二來又可以各自選擇自己鍾意嘅湯底，個煲仲要唔係細細個嗰啲。主食都好多嘢揀，牛肉最鍾意佢有「封門柳」，比起一般牛肉好食好多，不過海鮮選擇比較少，仲唔明點解牛柏葉被定為海鮮類😂呢度仲有好多熟食任揀，例如麻辣鴨腎、麻辣魚皮、台灣香腸等。飲品都真係有好多選擇，甜品又有好多款雪糕雪條任食。有樣嘢都值得一題，比起其他有放題任食嘅火鍋店，佢哋比較企理，感覺整齊。