炑八韓烤 (黃金廣場) (已結業)

之前喺銅鑼灣返過工嘅時候，呢間都係我嘅lunch食堂，因為貪佢 lunch set唔貴之餘，仲有啲前菜任食，呢度嘅芽菜同泡菜都幾好食。-今日叫咗個名品大醬湯配紫菜飯，大醬湯味道鹹咗啲，不過入面嘅配料好多，有蜆肉、蘿蔔、豆腐、豬肉等等。不過我都係比較鍾意叫牛肋骨多啲，佢啲牛肋骨炆到好腍，肉味都好濃，所以相比之下大醬湯就冇咁出色。-呢度嘅環境都比較昏暗，不過好就好在全部都係卡位。有啲人都會嗌燒肉set食，下次都可以嚟試吓食燒肉。