Antoshimo Cafe & Bakery (Mikiki) (已結業)

每次經過Antoshimo都看見店門前大大個廣告牌寫了免費送甜品， 甜品賣相不俗， 今天終於跟朋友進內一試。 這店的午餐餐牌有點混亂， 幸好朋友來過，原來有一張簡易文字版點餐紙， 簡單明瞭得多。先上來紫薯及凍豆腐， 紫薯伴了黑糖粉，十分香甜。 凍豆腐軟滑伴上芝麻汁味道極佳。 這兩款雖然是前菜， 卻是今餐最好吃的食物！ 我們分別點了炸雞及漢堡， 雞肉炸得還可以， 外皮鬆脆炸粉不厚， 只是欠缺了點雞味， 漢堡極多洋蔥不是我杯茶。四款湯底分別是椰香咖哩(很香椰汁味 ), 粟米芝士(淡淡粟米味) , 泡菜芝士(泡菜少辣幾香口) , 及蕃茄魚湯(茄味濃郁) 。炊飯看起來像飯焦，加了芝士煮一會便會牽絲 。如鐘意脆脆口感就唔好煮太耐， 食落外軟內脆好似打邊爐食響鈴咁， 好正㗎！食完已經勁飽不過仲有個黑糖雪糕冬甩送！不過我就有點失望， 雪糕唔滑而且無咩雲哩拿味， 得個甜字， 下面個冬甩亦唔鬆軟有點韌 ， 唔知係淋左定原來就係呢個口感。整體黎講唔算好好味， 不過$62 加一 由前菜食到落甜品， 仲有得玩煮飯仔，算係抵食了！