2+2 Café (已結業)

今日同朋友行過沙田新城市廣場，諗住搵野食，行過3期見到張Poster話lunch自助餐有生蠔食，就走去帝都酒店問下啦。黎到酒店3樓餐廳門口查詢，職員好好話俾個優惠價$258一位我地，咁我地就入去試下。入到去都幾多人，行左一圈都算多野食，有生蠔，長腳蟹，凍蝦，藍青口，又有即炸乳鴿，肉眼扒同燒羊髀。甜品又有movenpick雪糕任食。最推介就係生蠔同炸乳鴿，生蠔即開，夠新鮮有海水味，即炸乳鴿就夠嫩。依個價錢絕對抵食，會再黎幫襯！