品坊 (已結業)

Novotel嘅buffet出名抵食，所以耐唔耐都會同朋友去吓。雖然款式唔係好多，不過百零蚊，仲想點🤣通常等一樣係食刺身，一大盤隨便夾，去得快上菜都上得好快，三文魚同希靈魚都ok嘅。之後就會食牛同少少熱菜，因為選擇唔多，所以食少少就ok啦，今日嘅牛燒得ok喎，太熟就唔好味。食完肉就會食啲菜，沙律菜唔錯，好新鮮，食多少少都ok，可以隔一隔啲甜品，好似冇咁肥。最後梗係雪糕同甜品啦，今日除咗tiramisu，其餘都麻麻地，食兩啖已經想放棄。。。都係轉戰雪糕，穩穩陣陣食返幾個哈根達斯，最後整杯咖啡，就拜拜啦😆