牛魔 (已結業)

棉登徑近排開左唔少食肆，以前主要酒吧多，而加就轉型了!今日同朋友約了出尖沙咀行街，行街前都要醫下肚既，於是就係棉登徑睇下有咩好野食!見到呢間食牛既餐廳好似幾吸引，而且lunch時間又唔算好貴，所以就入去試試。餐廳樓底都幾高，一入去就見到幅牆畫左個女仔係到，幾特別!有開放式廚房設計，而我們安排坐bar枱位置，可以見到廚師準備食材。lunch除了有lunch set，亦有一些燒肉的套餐，但因為星期日的lunch即是我們的"早餐"，所以都是點lunch set會好點。每個set lunch都有飯、湯、前菜和沙律。前菜有3小碟，泡菜、辣青瓜同埋魚仔，雖說是前菜，但味道都不錯呀!湯是韓式的紫菜湯，清清地可以除去牛肉的濃味!沙律菜是用上黑芝麻沙律醬，第一次食，味道幾特別!烤醬汁牛肉餐($110)，這款牛肉是鐵板上的，牛肉肉質鬆軟而且juicy!醬汁有點甜，加上還有鮮甜的洋蔥，用黎送飯十分美味!安格斯特選牛肉眼丼飯餐($125)，這個飯冇諗過咁好食。牛肉煮至5成熟，牛肉味濃而且肉質鬆軟，牛肉邊整到有點脆口，加上醬汁惹味，面頭還有紫菜，好想再扒多碗飯呀!總括黎講，餐廳環境舒適，食物質素高，下次要黎試下