龍鼓灘海邊BBQ

營業中

休息中

基於方圓3公里內冇其他更好選擇，就同同事駕車到這裡放lunch，樓底高夠通風涼爽，選擇不算吸引，$40碟頭飯，比較多人選快餐四寶（餐肉、雙蛋、火腿和腸仔），食過一次，非常一般，呢啲即製壓縮食物都唔煎香一點。今次食了雪菜火鴨湯飯，都幾快有，個湯正正常常味精湯，可惜一食，啲飯超硬，未煮好。本身真係好肚餓，不過1/3都食唔下，太硬了，頂著胃。火鴨唔夠香，不過可以接受。凍檸水夠多冰，正路啦，之前點熱華田勁難飲，落唔夠粉，奶又唔多！絕對不要中午點炒飯麵飯，起碼等20分鐘。