Café Moa Moa by Panash (已結業)

對於一個鍾意食麵包嘅為食鬼👻, 聽到Café Moa Moa by Panash有麵包放題有都幾期待, 事關 Panash 麵包係幾好食!!原諒我今次掛住食冇影相, 嗰度有大約10款包揀, 每個size細細, 我最鍾意係朱古力麻糬同貌似嘅鮮奶球 😋為咗有空間可以食多兩個包, 所以唔嗌意粉飯, 而點咗份三文魚配薯菜.   三文魚外層煎到脆口, 但入面就保住到嫩滑, 口感值得一讚! 整體嚟講, 麵包放題同主菜嘅三文魚都好滿意👍 而當日Lunch時間嚟到雖然冇坐滿人, 但見樓面主要得一位員工好辛苦咁又上菜又執枱, 上少咗兩杯水想加返都唔係咁易.