M3 Italian (已結業)

呢間鋪既位置唔係好就腳，但係我有bb時要不時去威爾斯親王醫院，做完檢查就會想食佢，醫院行過去好近，而且附近我最喜歡就係呢間西餐廳。好多時早上檢查完十一點零去度仲未開鋪，等到開門入去暫時未係好多人。佢既lunch set都好抵食，幾十蚊有湯有主菜，選擇種類都ok, 今次叫左個漢堡同素菜長通粉。佢個包既肉都算有肉汁，薯條係薯角都幾好味，無得同專做漢堡既鋪頭比但都算ok. 長通粉味道偏淡，但食落感覺好fresh好健康！走個時已經坐滿同有好多人等位了！