神屋流博多道場 (已結業)

難得lunch可以響銅鑼灣食, 本來打算食個平時dinner勁貴的地方, 但同行小妹冇乜水, 唯有改試新野. 一點三黎到直入. 裝修好日本feel, 一格格房仔有多d 私人空間. 坐位都舒適. 選擇都多. 魚生, 煮物, 串燒, 湯麵都有.叫左個魚生飯(梅)+炸雞扒定食. 算幾大碟. 因為叫梅, 所以魚生種類唔多, 但勝在新鮮. 炸雞扒係用tempura 粉炸的, 所以唔脆, 但味幾好, 雖然未至於juicy, 但肉唔鞋. 同行小妹個鐵板牛餐較抵食. 鐵板好大份, 菜多arm我, 跟個迷你魚生飯都唔係好迷你者~總結: 以lunch魚生飯黎講, 都係鰂魚涌菖蒲亭正. 不過呢度坐得較舒適. 選擇亦多d. 服務都幾好. 整體上都係午飯開飯之選.