米子燒肉家

營業中

休息中

星期六晏晝3點幾食，本身諗住食燒肉，不過諗諗都係食焗飯，同女朋友叫左個t01（鮮茄大胃焗飯（腸仔/雞扒/豬扒/漢堡扒））飲熱朱古力$53，再加t03（牛摩皇芝士焗飯（牛扒/一口牛肉粒））飲凍奶茶$55+2。焗飯要等耐少少就緊，鮮茄焗飯到先，女朋友一食，只可以講啲飯同汁係暖，我試左一啖飯，啲汁都係茶記嘅茄汁底，唉算啦日式燒肉店唔係食汁呢，可能啲牛好好食，之後見到個伙記揸住碟焗嘢行左一圈，去左另一將枱準備放低，果枱客已經話食緊，不過嚟錯左，佢地係叫左個t01食意粉，個伙記又揸住碟嘢去check單，發現兩碟野掉轉咗，跟住行嚟我嗰邊，問我介唔介意食意粉？我梗係唔得啦，天氣咁凍想食飯，之後就同我講要等5分鐘整返個焗飯俾我，等咗5分鐘之後最後嚟咗個T01焗飯，我望一望點解我嗰T03會有鮮茄汁，望真啲都係嚟錯左，等咗咁耐換咗一次都係錯，所以我就硬食左。