鵝頸橋四季火鍋

營業中

休息中

由於謝菲道蘇記茶檔愈來愈差，衛生問題唔理想，於是轉場搵其他餐廳，街口哩間鵝頸橋四季火鍋新開張約一個月，今次第一次嚟幫襯，睇吓咩環境先.講環境就絕對一流，裝修擺設完全係香港獨一無二嘅老風味! 帶D外藉人士嚟幫襯最啱!好明顯，餐廳專門做晚巿火鍋生意，望吓個餐牌，得小貓三四隻選擇，心情即係由高處跌下!再睇睇內容，無咩啱心水，又跌多幾成!是但叫個豉汁蔥油豬扒飯加煎蛋，以為蔥油有蔥想話多蔥，答案係只得蔥油係無蔥嘅!心情跌跌跌!原本白飯平平無奇，但加上蔥油同味道帶甜嘅豉油即時變得好味! 相反豬扒就實咗D，用個肉鎚揼多兩吓相信口感會更好，雞蛋煎得比較熟沒有一丁點蛋汁，又失望....行出少少軒尼詩道最少有三間茶檔選擇，而且質素比哩間鵝頸橋好之餘價錢亦比較平，所以..... 應該唔會再幫襯！ (+_+: