阿利水韓國料理 (已結業)

朋友推介話阿利水比金巴行術一眾韓國餐廳出色，當然要黎證實一下。有6款前菜，除左泡菜好好食，酸辣度都適中，白菜爽脆之外，其他都普通。lunch set都幾多選擇。韓式拌飯同石鍋拌飯個樣一模一樣，色彩繽紛又夠地道，已經吸引左我。一個膠碗一個石鍋，揀個平既試下啦。拌飯既青瓜，芽菜，豬肉等等好整齊咁排好，中間加隻流心煎蛋，賣相一流。辣醬好惹味，撈埋一齊，好好食。豬肉燒得入味，完全唔韌。蔬菜好爽好新鮮。不過始終都係石鍋有風味D，熱辣辣，有少少飯焦，用膠碗做唔到LI個效果，感覺差D野咁。拌飯就唔錯啦，但同行友人既海鮮炒飯，豆腐鍋都好似麻麻。而且一食完佢就放低張單係枱面，催我地走。