PHO 24 (已結業)

跟boss 到PHO 24 食lunch, 坐窗口位，可以對住彌敦道， 兩人點了香茅豬扒飯、越式燒雞扒飯、椰汁涼粉紅豆冰、青檸及咸檸檬梳打、椰汁芋頭糯米泥、越式焦糖燉蛋。Set Lunch 加HK$10 可配越式特飲，比原價便宜一半有多！香茅豬扒飯香茅味突出，豬扒食落好香口同鬆化，又唔會好乾身。越式燒雞扒飯雞扒厚肉及香口，但係冇expect 過佢有少少咖哩味。椰汁芋頭糯米泥好味，唔係太甜，味道適中。越式焦糖燉蛋很濃的焦糖味，配上軟滑的燉蛋，唔錯。餐廳服務唔錯，侍應都好有禮貌。