名寶石餐廳 (已結業)

20050807 1pm(此"Tiffany" 不同彼Tiffany 啦當然!)諗住去再興食叉飯, 醒唔起星期日佢唔開! 無計! 附近搞掂, 男友無食過名寶石, 唔, 都可以一食o既. 始終呢o的老牌豉油西餐廳都有信心o既保証.2人食2個set lunch-* 餐包x 2 - 軟熟熱辣辣餐包乙隻.* 餐湯x 2 - 羅宋湯, 有水準.* 焗豬扒飯x 1 - 試o左舊豬扒, 唔錯, 熱氣騰騰, 幾好.* 鮮茄龍利柳焗飯x 1 - 我食唔晒2條龍利柳, 1條比埋男朋友, 份量太大份. 好味就幾好味. 魚好滑.* 凍奶茶x 1 - 顏色偏奇怪地紅. 茶味濃, 個茶膽靚.* 凍檸茶x 1* 布甸x 2 - 布甸粉開果o的, 不過整得幾好食.service 勁差. 食到最尾, 餐茶都飲完, 因為唔知有無甜品食(見其他檯有, 我地無), 咁問個阿叔係咪有甜品送o既咁, 佢竟然勁惡咁答, 你唔叫我地唔上o架wor! o下???? 無病呀?! 你唔講我鬼知你有送甜品呀?! 就算我地唔order 或者唔食你都要問o架! 何況個餐牌又無寫個餐包埋! 激氣!埋單唔知幾錢, 味道80, 服務0 分!