高麗韓國餐廳 (已結業)

自己一個揾野食...韓國野係我最愛...所以開始揾韓國餐廳..呢間餐廳位置好"特別"..揾左我一陣...係一個舊式商場既2樓上到去好有回到80年代feel...叫左個雞肉燒烤餐...因為唔想自己燒...就叫左個現成既..個配菜係一個小白菜,一個泡菜...其他韓國餐廳,比既配菜通常係一小碟..得"小菜"2,3條..而呢間...居然比左2"碗"配菜我....本來我重後悔自己又食肉唔食菜..但係見到個配菜之後,就覺得自己無選錯...有菜有肉..都好健康丫~而個餐重有一杯菊花茶送..幾好好啦...個主角係chicken...肉質: 可以...幾juicy..份量: 好多, 成碟...對女仔黎講算幾多...對男仔呢個份量我估岩岩好?其實我食左2碟配菜..已經有小小飽...因為都幾多...見到個肉之後, 有小小擔心食唔曬..但係最後我係食曬的...因為都幾好味~當我以為我好叻咁食曬個餐..阿姐唔聲唔聲...放低左碗啫喱!我心諗...個餐都係50蚊...咁多野食...真係抵wor!我會再黎的..下次帶多個人...等我可以試吓多d配菜同肉類~