Red Rice 米飯主題餐廳 (億利工業中心)

營業中

休息中

今日去左呢間食lunch,食左個蔥油厚切豬扒三蛋飯同埋黑椒汁漢堡蛋包飯。先講個豬扒飯先，上枱時勁吸眼，因為有3隻太陽蛋郁黎郁去😂，太陽蛋當然勁好餸飯啦，而豬扒就厚切，不過可能就係太厚，肉質唔夠嫩滑同入味，但蔥油汁味道香口。至於漢堡飯，黑椒汁少辣，唔錯，漢堡夠厚身，都重牛肉味，係我鍾意食嘅漢堡。飯係茄汁底炒過，不過就無乜味道，飯上面就鋪左一大塊滑蛋，可算是半生熟。兩個飯都滿意架喇。同埋因爲11點幾就食，唔多人，環境舒適。