Hooray Bar & Restaurant (已結業)

今日番summer intern最後一日，老闆請我同埋同事去Hooray食lunch farewell我 ，So surprised! 前幾次嚟Hooray都係夜晚同friend飲野，今日第一次試佢嘅set lunch menu ，估唔到真係唔錯架喎!見今日天氣都好，侍應安排左張室內嘅檯比我地，落地玻璃引入自然光，又有海景睇，坐得幾舒服。  我叫左杯荔枝旋風用料嘅配搭幾特別，幾清新但少少偏甜。是日餐湯係義大利菜湯，一般西餐廳水準，唔會太鹹。 我地三個人分別叫左鴨胸肉意大利飯，牛肉漢堡，同燒羊架 share。意大利飯無平時嗰啲咁膩，我唔係特別鍾意食太膩嘅芝士味，所以覺得配豌豆汁味道幾好。啲飯嘅口感偏腍，對食唔慣正宗半生熟意大利飯嘅我嚟講啱啱好。 鴨胸肉就不過不失，加左黑醋汁酸酸甜甜好開胃。 平時意大利飯太膩會食唔哂，要同人share，今次竟然食得完！ 牛肉漢堡賣相吸引，塊扒好有香安格斯牛肉味，外層煎得脆，咬落多汁，$88有靚牛肉，真心抵食。啲薯條好脆，個個都爭住食！係新鮮炸唔係求其整翻熱，應該有double/triple-fried先會咁脆。