Ricos Spanish Restaurant & Bar (已結業)

之前去過的同事, 都話麻麻, 話個厨好重手, 樣樣都好鹹但係近排有同事去過, 話好味左, 同抵食, 個海鮮湯有好多料於是同幾個同事試唔太多人, 坐得都舒服, 頭盆包埋湯和沙律但係今次無海鮮湯, 得番薯仔湯同磨菇湯, 水準一般, 好過飲金寶, 跟上的法包片, 仲好脆..沙律菜都好新鮮main course 自己要左海鮮飯, 飯係蒜蓉炒飯, 好香蓉味, 海鮮包括有魷魚仔, 蝦, 帶子, 煮得有少少過火, 所以有d ngun... 配個蒜蓉炒菜仔, 有少少怪, 當係fusion囉...同事食燒三文魚, 上枱望落有少少似豬扒, 以為裏面會係半生熟, 點知係全熟, 有d鞋, 不過個汁都幾好味甜品個cake 都 OK, 不過不失個tea 就差d, 雖然細細杯, 但係得兩塊半片好蒲的檸檬片, 無咩味, 要問 waitress 攞多幾片先有味..d waitress 水準麻麻, 我地八個人, 一張長枱, 點嘢食時, 無記低邊個要邊樣, 所以嚟到要叫邊個要邊樣呀, 然後仲要坐外面的人傳入去俾坐埋裏面的人, 好似茶餐廳咁...