夢 (已結業)

1) 先付 2) 八寸 3) 膾 4) 刺身五品 5) 揚物 6) 壽司四貫 7) 海膽料理 8) 湯 9) 甜品 ::: Omakase x 懷石料理餐廳面積唔大sushi bar得六個位，座位之間完全唔會迫，不過如果呢個價位都坐得唔舒服真係等執🤣餐廳唔係行傳統日式木系風格而係用黑色做主調比較時尚感，呢點係菜式上都有反映出黎，創新嘅擺盤x傳統菜式擺盤係餐廳其中一個gimmick，今餐最令人impressive嘅一定係八寸，宜家係夏天，所以餐廳就設計咗一款沙漠造型一款海灘造型；刺身放係一個用鹽做底貝殼做擺設嘅木盒裏面；壽司就放係個岩石形嘅座上面不過咁靚既設計背後係用時間同汗水堆砌出黎🤣有個好健談既waitress同我地講啲擺盤係當初佢地試到凌晨兩點老闆先滿意，同埋話啲器皿好重好似gym，但重點係老闆就企咗係前面🤪今次就唔逐一寫食評啦，因為除咗刺身同壽司之外，每一樣食物裏面都包含咗幾個elements，食落層次好豐富。如果要揀一道最好味嘅一定係海膽創作料理，海膽x三文魚子x白松露，世上其中三樣最好味嘅野放埋一齊🤤總結今餐食物環境服務都對得住個價錢，不過刺身同壽司係食材上就有少少重覆咗