牛車水餐廳 (西九龍中心) (已結業)

平時好少行過嚟西九龍中心食飯，今日上咗一層電梯，見到牛車水餐廳好大好濶落，裝修後幾四正，好耐都無黎過，今日一於試一試啦!我叫咗個咖哩牛脷飯+凍檸茶(送羅宋湯)個羅宋湯都幾濃，蔬菜都唔少。咖哩好香椰汁味，仲有大大嚿薯仔，佢唔單上有牛脷，仲有D牛腩，無咁單調二樣都好淋，味道唔錯!朋友叫咗個涼瓜牛肉炒河+熱檸水， 嘩…………一嚟到見到個份量就覺得夠曬兩個人食，叫兩個餐，三個人食絕對冇問題。朋友話涼瓜唔太苦，牛肉好淋，豉椒好惹味!午飯繁忙時間兩個人都可以有卡位坐， 可以休休閒閒食個午飯返公司再拼搏過!