賀喜 (雲疊花園商場) (已結業)

WFH成日係屋企，Lunch都係附近食，有日覺得太悶就行遠D搵食，見到連著有2間日本野，就求其揀咗一間。 Lunch由熟食既$58至刺身壽司既$168，可以話豐儉由人。北海道刺身定食 ($85)刺身有八爪魚、三文魚、劍魚腩、甜蝦及帶子。 八爪魚&甜蝦同屬正常水平；三文魚厚切三件，肉質柔軟，因非魚腩位置魚油唔算重；劍魚腩係全碟刺身最正! 肉質較厚實，魚油充足，味道甘甜!! 帶子就切得較薄身，加上唔知點解放咗片檸檬係兩件帶子中間，所以鮮味被檸檬味蓋過咗定食包埋味噌湯&茶碗蒸湯唔會好咸，正常水平；茶碗蒸裏面有冬菇及雞肉，可能水的份量較少，無坊間的滑，但蛋味就較出。