茶木‧台式休閒餐廳 (康怡廣場北座)

營業中

休息中

喺太古食野成日都好難搵位，尤其是茶木成日排長龍。今日見可以早啲食午餐，所以就揀咗呢間茶木試吓。之前去其他茶木分店食過夜晚餐價錢唔貴，但係晏晝呢個午餐就真係幾抵。佢嘅前菜都幾豐富，仲有半隻滷水蛋。主食方面，我揀咗個炆肉排，都算入味。朋友揀咗柳橙魚柳，佢果個好正，份量大又好食。除咗主食，我們仲可以任選一款飯麵，我揀咗茶木最出名嘅紅燒牛肉麵，好鍾意佢啲湯底夠濃，牛肉雖然份量唔多，但一啲都唔乾硬，口感似牛展，麵條亦有質感，好彈牙。我朋友揀咗估早肉操飯，味道都唔錯。最後埋單都係70幾蚊，真係抵食。