有鑊氣-酸菜魚 (醫局街)

營業中

休息中

聽講呢一間食肆晚飯宵夜時段等位等到傻，皆因佢嘅小炒好得，今日午餐時段幫襯，估唔到12點已經full house，好彩搵到最後一張2人枱。我同我同事二話不說就叫咗炒野，佢叫廈門炒米我叫炒貴刁。兩碟炒野賣相都唔錯，目測炒得夠乾身之外，面頭有落炒香咗嘅芝麻真係誠意之作。炒貴刁嘅蝦仁叉燒粒同蛋絲都炒得乾身分明，唔會黐埋一pat，坊間好多都係用肉絲或者肉粒但係佢用叉燒粒，味道當然會好d。廈門炒米酸甜適中，米粉肉絲韭黃韭菜雞蛋絲都炒得夠香。