意家煮

營業中

休息中

自從幾個月前知道開左呢間小小西餐店，放lunch時間1個月可能都有1-2次會黎呢度食。餐廳位置唔算好起眼，鋪頭空間唔大，只有兩個人營運，都只有5張檯，遲少少黎都可能滿座，但係店小小環境舒適，冷氣夠勁，不過食物真係好食所以偶爾都會黎食。今次簡左一直都想試既香煎牛舌配薯菜（＄65），跟餐會有西湯同飲品西湯好似係甘筍南瓜湯，入口感覺好舒服，調味適中。本身對牛舌既印象係好容易整到好硬，咬唔開，但係呢份唔會，而且係3塊都幾厚下既牛舌，用刀切好容易就切得開，入口都好嫩，我個人覺得單食牛舌調味已經夠，但跟餐都可以簡黑椒汁、洋蔥汁同香草汁，點左會更惹味D。成份餐65蚊食物質素高，推薦一試，其他餐點食過都好好食，如果中意食手工漢堡扒既一定要試下漢堡包或者漢堡扒餐。