Rice Paper (已結業)

一向對m.a.x. concepts系列嘅餐廳亳無好感。"好"評如潮嘅EXP如是，泰國系列嘅simply thai亦如是...來到又一城已係近lunch hour，大部份食肆門外人山人海。Queen's Cafe門口仲企咗成十幾二十人响度，實在係荒天下之大謬也...唯獨呢度仲有大把位。肚餓到咕咕聲，冇辦法，姑且一試....通常小弟第一次去一間未去過嘅越南菜館，例牌菜一定係生牛肉湯河加蒸粉包，每次如是。若ok ge，下次再試第二D嘢，否則，逃之夭夭可也...生牛河連lunch set有杯嘢飲。香茅青檸薑蜜，口味幾清新，味道不錯...一睇個生牛河，湯底顏色深深，一喝，唔夠熱，大忌；D生牛肉若果唔浸耐D，容乜易食死我?牛肉一睇就知唔夠軟熟，不過好在唔係用普通肥牛，如果唔係實叫佢回水...羅勒葉? 欠奉...金不換葉? 亦欠奉..得D生芽菜及一小嚿青檸...唉...更唔奢望有鵝帝葉la...仲唔知點解會有幾嚿油條响度...蒸粉包，仲差過上次响越知味食到嘅，份量亦只得兩小嚿，"撩"牙都唔夠...逃之夭夭..下次冇交易...