港 (已結業)

話說今晚約左兩位朋友食晚飯，六點令鐘去到，人就唔多既，普遍都係飲下野食下小食咁樣😂而我地就黎醫肚既🤪🤪雖然地方唔大，但環境設計好唔錯，簡約有風格，燈光微暗，傾心事幾有feel😌我地入到去，職員示意可以任坐，我地三人揀左梳化位，一坐落去先留意到原來未執枱，碟又未收，餐巾又跌晒落地🤣🤣職員見狀先幫我地執好😅其實呢到主食真係選擇唔多😌好快已經決定左叫咩食！！⭐️避風塘芝士蟹腸粉$168賣相已經令人垂涎欲滴🤤🤤平平無奇既腸粉，配合惹味既避風塘煮法，再加埋濃濃既芝士，好新穎好特別🤩朋友們都大讚👍🏻朋友話食到有芥末我又食唔出喎😂😂如避風塘果陣香蒜辣就出啲就正喇😆⭐️話梅乳豬$268賣相又係靚靚仔咁😂乳豬好厚肉，好稔無唔肥膏位🤤皮唔係脆卜卜果隻，就咁食我覺得太咸，點啲話梅醬就好好多😌😌不得不提話梅醬，酸酸咪咪佔左好高分😂👍🏻如果再多啲醬就好！因爲乳豬真係咸得滯😅⭐️炸雞皮$58我覺得雞皮係好核突既野🤭🤭不過朋友想食，佢地都話好好食喎🤣🤣🤣香脆可口，而且一啲油膩感都無，雞皮我就唔想試，反而我試左個汁又幾好味喎😌總結，服務態度熱情有善😌環境都好正！食物既出色又特別，略嫌定價有啲貴😅😅