漁牧 (已結業)

- 今日同朋友去九龍灣影聖誕燈飾，順便去埋Megabox睇戲同覓食，發現13樓原來開左好多餐廳同擺婚宴既地方。見到有間餐廳有酸菜魚，勁想食🤣，於是決定試下呢間漁牧😜！- 食物方面，我地叫左香甜爽口菜、青瓜拌海蜇、麻辣腎片同濃湯酸菜鯛魚。而飲品就叫左大荔枝番石榴沙冰同泰國椰青。- 我地叫既三個前菜好快就上齊啦，香甜爽口菜係由娃娃菜拌芝麻醬。平時食一啲拌芝麻醬嘅菜色，好多時食完面頭個層已經無哂醬，但係呢個唔會。佢每塊娃娃菜都充滿着芝麻醬，食到底都仲有醬。而且娃娃菜整得好爽口，一啲都唔會有淋既口感，真係要菜新鮮先可以做到。由於我係好鍾意食芝麻醬既，所以我超級鍾意🤣！- 青瓜拌海蜇同埋麻辣腎片都整得好好食，海蜇爽口，麻辣腎片好入味，兩個小食底部都有青瓜，同樣都超級好食，我地全部食清光🤣！- 而兩款飲品都好好飲，我朋友飲椰青，我飲大荔枝番石榴沙冰。個沙冰好有驚喜，裏面有一粒粒嘅荔枝果肉，好好飲之餘又唔會過甜。- 終於到重頭戲酸菜魚啦，酸菜魚裏面有海帶、粉絲同芽菜等等既配料。啲魚好爽口彈牙，個湯係酸辣既，令人忍唔住一啖接一啖咁飲。鍋裏面既所有配料都好入味。