影片
更多
2018-07-07
285 瀏覽
朋友介紹下黎左試下呢間Mamaday。佢係樓上舖，地點唔就腳，真係要特登行過去。呢日5點半多啲黎到，只有3枱客人。門口好隱蔽，出到lift真係唔知邊個係門口，原來係MEMBERS ONLY！餐廳內外佈置都好特別，連碟同特飲既杯都係tailor made！餐牌亦見心思，菜式名改得好特別，睇到人會心微笑。食物種類雖然唔算話好多，但已足夠令我出現選擇困難症。飲品我哋叫咗蜂蜜菊花茶同洛神花柚子茶，菊花茶屬於少甜，味道略為普通。洛神花柚子茶，柚子味比較重，洛神花味唔突出，冇咩特別。＄46感覺有少少貴。反而食物有驚喜，先有明太子味薯條（小），係我食過最好味最有誠意嘅明太子醬！佢既明太子醬混有飛魚子，脆卜卜咁口感一流，分量唔會太少，好好味，必食推介！好野係需要等嘅，呢碟溫泉蛋明太子意大利扁面足足等左45分鐘！有三條炸過嘅蟹柳，配有木魚絲，好多明太子汁，每條意粉都比好多汁包住，鍾意多汁既我食得好滿足，係好食嘅，不過食落都幾咸😅。份量夠哂兩個女仔食，$92唔算貴。估唔到啲意粉咁大碟，只夠食一碟甜品，掙扎左好耐終於揀咗海鹽焦糖窩夫，咁大碟先價值＄58，比起其他甜品店佢算平！佢哋嘅窩夫係軟身嘅，窩夫本身係焦
餐廳內外佈置都好特別，連碟同特飲既杯都係tailor made！餐牌亦見心思，菜式名改得好特別，睇到人會心微笑。食物種類雖然唔算話好多，但已足夠令我出現選擇困難症。
飲品我哋叫咗蜂蜜菊花茶同洛神花柚子茶，菊花茶屬於少甜，味道略為普通。
洛神花柚子茶，柚子味比較重，洛神花味唔突出，冇咩特別。＄46感覺有少少貴。
蜂蜜菊花茶/洛神花柚子茶
16 瀏覽
0 讚好
0 留言
反而食物有驚喜，先有明太子味薯條（小），係我食過最好味最有誠意嘅明太子醬！佢既明太子醬混有飛魚子，脆卜卜咁口感一流，分量唔會太少，好好味，必食推介！
明太子味炸薯條（小）
$38
22 瀏覽
0 讚好
0 留言
好野係需要等嘅，呢碟溫泉蛋明太子意大利扁面足足等左45分鐘！有三條炸過嘅蟹柳，配有木魚絲，好多明太子汁，每條意粉都比好多汁包住，鍾意多汁既我食得好滿足，係好食嘅，不過食落都幾咸😅。份量夠哂兩個女仔食，$92唔算貴。
溫泉蛋明太子意大利扁麵
$92
31 瀏覽
0 讚好
0 留言
估唔到啲意粉咁大碟，只夠食一碟甜品，掙扎左好耐終於揀咗海鹽焦糖窩夫，咁大碟先價值＄58，比起其他甜品店佢算平！佢哋嘅窩夫係軟身嘅，窩夫本身係焦糖味，配上焦糖脆脆，仲有藍色嘅海鹽雪糕，真係好好味呀！推介！👍🏻
海鹽焦糖窩夫
$58
24 瀏覽
0 讚好
0 留言
整體來說，環境夠晒特別，食物有驚喜，飲品算合格，入座時間為個半鐘，價錢唔算貴，係食物等得耐左啲，我哋碟意粉等左45分鐘，聽到隔離枱話佢哋碟沙律等左一個鐘.....唔知點解要咁耐勁古怪😰不過都值得一試嘅！佢地而家不接受訂位，想食就要六點前去到，因為真係好多好多人！
張貼
