Mamaday (已結業)

餐廳佈置：整間餐廳佈置幾有新意，餐廳既佈置主題，由牆身既畫，裝飾，擺設都好比到人一種色彩鮮艷，充滿活力既感覺，岩晒用黎打卡同影相啦。座位座位與位間有足夠間距，感覺唔會焗促，坐落去都舒服既，冷氣都岩岩好。食物墨魚汁魷魚意大利飯個飯黎到既溫度得微暖，飯粒睇落好乾身，食落去無咩墨魚汁既香味，而且d飯粒質感有d硬，而魷魚份量都同餐牌既相一樣 不過不失啦。南乳芝士肉碎pizza用南乳搭芝士e個組合幾新奇，無咩違和感，口感幾新鮮，pizza焗得幾脆口，肉碎方面都多，e個值得推介。明太子薯條薯條黎到時係熱辣辣，口感脆口，無咩油膩感覺，明太子醬方面用返真既明太子，份量都好多，但唔太黏口，比較難當醬咁點。如果有少少醬，eg 千島醬既話，口感會更佳。牛油果塊皮同黃金阿婆塊皮牛油果塊皮好重牛油果味 口感幾creamy, 好少餐廳有呢種野飲，所以值得一試。而黃金阿婆塊皮呢，就有d似飲緊蘋果梳打既沙冰。邊食d油膩野，邊飲呢杯野飲，可以幫你消滯，同埋味道都幾清新。 如果冇特別想試新野既話，都可以試下呢杯。