Mamaday (已結業)

Mamaday 好食但份量就麻麻地，而且我覺得有啲貴，一個主食+飲品+10%服務費己超過二百元，坐得又唔耐，打卡位又唔多，呢個價錢出面大把選擇。🍴蜜汁香茅豬頸肉，蕎麥麵魚露、有啲沙律菜咁囉 $136⭐️諗住叫牛，無，跟住叫豬手，又無，一開門就乜都冇，唯有叫豬頸肉，但肉唔夠香口味道又麻麻，蝦片腍嘅，蕎麥麵又太鹹！🍴求其是但乜都炸啲啦 $98⭐️⭐️⭐️三隻蝦三個魷魚圈炸漿同味道都ok，其餘墊底係腍曬嘅粗薯條，總之求其叫個魷魚圈仲好。🍴真心無乜驚喜大啡菇黑松露野菌意大利扁麵 $122⭐️⭐️⭐️⭐️呢個有驚喜喎，意大利扁麵口感煙韌彈牙又掛汁，有大啡菇又有超多什菇，超好味，啱晒菇菇控。🍴有蟹GO又有蟹肉的蟹蟹蟹意大利扁麵 $138⭐️⭐️⭐️醬汁creamy意大利扁麵煙韌，蟹鉗無蟹味，蟹肉蟹子還ok，整體一般般。🍴點解個個都叫軟殼蟹比薩架 $138⭐️⭐️⭐️⭐️Pizza薄脆可口，加埋千島醬、芝士同菠蘿真係無得輸，最正係軟殻蟹夠熱辣飽滿，仲有些少膏，呢個可以推介一下！🍴培茶牛奶無咁澀 $48⭐️⭐️⭐️⭐️呢個好味，培茶同牛奶比例剛好，真係做到茶味夠香又唔會苦澀。🍴香蕉朱古力奶昔 $56x2⭐️⭐️朱古力味唔夠，反而香蕉杰身咗些少